ევრო 2020. საკვალიფიკაციო: აზერბაიჯანის სენსაციური შედეგი ხორვატიასთან [VIDEO]

AutoSharing Option
9 სექტემბერს ევროპის ჩემპიონატის შესარჩევი ტურნირის მატჩები 4 ჯგუფში გაიმართა.

C ჯგუფი
ჰოლანდიამ სტუმრად უპრობლემოდ სძლია ესტონეთს, გერმანიამ კი მხოლოდ შესვენების შემდეგ გატეხა გასვლაზე ოლსტერელები.

გერმანიას და ჩრდილოეთ ირლანდიას 12-12 ქულა აქვთ, ჰოლანდიას კი - 9, თუმცა 1 შეხვედრით ნაკლები აქვს ჩატარებული.

გნაბრიმ ბუნდესტიმში 10 მატჩში 9 გოლი გაიტანა, რაც ამ საუკუნეში საუკეთესო მაჩვენებელია.

ტალინი. "ა ლე კოქ არენა"
ესტონეთი - ჰოლანდია 0:4
გოლები: 0:1 ბაბელი (17), 0:2 ბაბელი (47), 0:3 დეპაი (76), 0:4 ვეინალდუმი (87)


ბელფასტი. "ვინძორი"
ჩრდ.
ირლანდია - გერმანია 0:2
გოლები: 0:1 ჰალსტენბერგი (48), გნაბრი (90+2)


E ჯგუფი
აზერბაიჯანმა სახლში სენსაციური ფრე (1:1) გაუგორა ხორვატიას და მიმდინარე ტურნირზე პირველი ქულა მოიპოვა. თუმცა ხორვატები 10 ქულით მინც ლიდერები არიან. მათ 9-9 ქულით სლოვაკეთი და უნგრეთი მისდევენ.

ბაქო. "ბაკსელ არენა"
აზერბაიჯანი - ხორვატია 1:1
გოლები: 0:1 მოდრიჩი (11, პენ), 1:1 ჰალილზადე (71)


ბუდაპეშტი. "გრუაპამა"
უნგრეთი - სლოვაკეთი 1:2
გოლები: 0:1 მაკი (40), 1:1 სობოსლაი (50), 1:2 ბოჟენიკი (56)

G ჯგუფი
პოლონეთი საკუთარ მოედანზე ნულოვან ფრეს დასჯერდა ავსტრიასთან, მაგრამ 13 ქულით მაინც პირველ ადგილზეა და მეორეადგილოსან სლოვენიას, რომელმაც ძლივს მოუგო სახლში ისრაელს, 2 ქულით უსწრებს, ხოლო ავსტრიას - 3 ქულით.

რიგა. "დაუგავა"
ლატვია - ჩრდ. მაკედონია 0:2
გოლები: 0:1 პანდევი (14), 0:2 ბარდი (17)

ვარშავა. "ნაროდოვი"
პოლონეთი - ავსტრია 0:0

ლიუბლიანა. "სტოზიცე"
სლოვენია - ისრაელი 3:2
გოლები: 1:0 ვერბიჩი (43), 1:1 ნატჰო (50), 1:2 ზაჰავი (62), 2:2 ბეზიაკი (66), 3:2 ვერბიჩი (90)

I ჯგუფი
ბელგიამ მეექვსე მატჩშიც იმარჯვა (მისი ბურთების შეფარდება 19:1-ზეა) და მეორეადგილოსან რუსეთს, რომელმაც ყაზახეთი სახლში, ნატურალიზებული ფერნანდესის მიერ 89-ე წუთზე გატანილი გოლით დაამარცხა, 3 ქულით უსწრებს.

ბელგია უკვე 32-ე წუთზე 3:0 დაწინაურდა გასვლაზე შოტლანდიასთან და გამარჯვებულის ვინაობაც გაარკვია. სამივე საგოლე გადაცემა დე ბრიუნემ გააკეთა, მეორე ტაიმში კი თავადაც გაიტანა.

ლუკაკუმ ნაკრებში უკანასკნელ 5 შეხვედრაში 6-ჯერ დალაშქრა მეტოქეთა კარი.

ვერმაელენმა 4 წლის შემდეგ პირველად გაიტანა ეროვნულ გუნდში. სულ მის ანგარიშზე 2 გოლია.

გლაზგო. "ჰემპდენ პარკი"
შოტლანდია - ბელგია 0:4
გოლები: 0:1 ლუკაკუ (9), 0:2 ვერმაელენი (24), 0:3 ალდერვეირელდი (32), 0:4 დე ბრიუნე (82)


კალინინგრადი. "კალინინგრადი". 31 818 მაყურებელი
რუსეთი - ყაზახეთი 1:0
გოლი: ფერნანდესი (89)

მცველმა ფერნანდესმა რუსეთის ნაკრებში მეორე გოლი გაიტანა და ორივე 88-ე წუთის შემდეგ - პირველი ხორვატიას მსოფლიოს ჩემპიონატის მეოთხედფინალში დამატებით დროში გაუტანა.


სარევალე. "ოლიმპიკო"
სან მარინო - კვიპროსი 0:4
გოლები: 0:1 კუსულოსი (2), 0:2 პაპულისი (38), 0:3 კუსულოსი (76), 0:4 არტიმატასი (75)
მკითხველის კომენტარები / 22 /
გადავხედე აქ გაკეთებულ კომენტარებს და + მიიპყრო ჩემი ყურადღება,ზოგიერთ რამეში მას კატეგორიულად არ ვეთანხმები,მაგრამ ამასთან ერთად მაწუხებს ეჭვი იმისა,რომ ან იქნებ მე არ ვიცი და არ გამიგია რასაც წერს მეთქი.
....
15:26 10-09-2019
0
+გეთანხმებით მეგობარო,ხორვატებმა აშკარად გაატანინეს აზერებს.
....
15:07 10-09-2019
1

სიახლეები პოპულარული