დებიუტში სტუმართა კარში დანიშნული პენალტი (ალაბამ დუმფრისი წააქცია) დეპაიმ გამოიყენა. შემდეგ ნიდერლანდებმა თამაში დააწყნარა და სასურველ ტემპში წარმართა, პირველი ტაიმის დასასრულს კი ისევ მწვავედ შეუტია და დეპაიმ დუბლის შესრულების კარგი შესაძლებლობა გაუშვა ხელიდან.
მეორე ტაიმის დასაწყისში ავსტრიამ თამაშის გამწვავება ამაოდ სცადა, „ნარინჯისფერები“ კი, შექმნილი ვითარებიდან გამომდინარე, პრაგმატულად მოქმედებდნენ, ნება-ნება აგორებდნენ ბურთს და ძალებს ზოგავდნენ. რა საჭიროა მეტოქეს თავი შეაკლა, როდესაც შეიძლება მშვიდად მოუგო?
თუმცა, არაა გამორიცხული, შეიქმნა შთაბეჭდილება, რომ უფრო აგრესიულად ვერ უტევდნენ. მომენტები კი კიდევ ჰქონდათ: დე ვრეის დარტყმული ბურთი მეკარემ, ხოლო დე ლიხტისა მცველმა მოიგერია. შემდეგ დუმფრისმა დალაშქრა ბაჰმანის კარი და დე ბურის გუნდის ისედაც ცხადი გამარჯვება უცხადესი გახდა. ეგ იყო და ეგ.
ამსტერდამი. „იოჰან კრუიფი“
ნიდერლანდები - ავსტრია 2:0
გოლები: 1:0 დეპაი (11, პენ), 2:0 დუმფრისი (67)
ამ ჯგუფში ბოლო ტური 21 ივნისს გაიმართება - ნიდერლანდები ჩრდილოეთ მაკედონიას უმასპინძლებს, უკრაინა და ავსტრია კი ბუდაპეშტში შეხვდებიან ერთმანეთს.
დრამატული მატჩი ამსტერდამში - უკრაინა ნიდერლანდებთან ქამბექთან ახლოს იყო [VIDEO]
![საფრანგეთის 14:0 - ევრო 2024-ის კიდევ სამი მონაწილე გაირკვა [VIDEO]](/pictures/image7/ff9f2d20d3bcf6a8b2e2145df69c0b03.jpg "საფრანგეთის 14:0 - ევრო 2024-ის კიდევ სამი მონაწილე გაირკვა [VIDEO]")
![მბაპეს დუბლი - საფრანგეთი ევრო 2024-ზე გავიდა [VIDEO]](/pictures/image7/c351536eaf3834a7a960c7d5a4b88d9e.jpg "მბაპეს დუბლი - საფრანგეთი ევრო 2024-ზე გავიდა [VIDEO]")
![პირველი ტიტული 11 წლის შემდეგ - ესპანეთმა ერთა ლიგა მოიგო [VIDEO]](/pictures/image7/89503c8f421a8dcddec7c04e6fd1f883.jpg "პირველი ტიტული 11 წლის შემდეგ - ესპანეთმა ერთა ლიგა მოიგო [VIDEO]")
