ევროპის ჩემპიონატის საკვალიფიკაციო ტურნირის პირველ ტურში ესპანეთმა მალაგაში 3:0 სძლია ნორვეგიას. ესპანური პრესა აღნიშნავს, რომ მეტოქეს საუკეთესო თავდამსხმელი ჰოლანი არ ჰყავდა, მათ კი "ესპანიოლის" 32 წლის დებიუტანტის ხოსელუს სახით ახალი ჰოლანი ჰყავთ. ახალმა მწვრთნელმა დე ლა ფუენტემ ოთხი ისეთი ფეხბურთელი დააბრუნა, რომლებსაც კარგა ხანია "ფურია როხაში" აღარ უთამაშიათ - არისაბალაგა, ნაჩო ფერნანდესი, მერინო და ასპასი.
მოკლედ, ესპანელები გამარჯვებით გახარებულები არიან, თუმცა ყველაფერი შეიძლებოდა სულ სხვაგვარად მომხდარიყო. მაგალითად, პირველ ტაიმში კარვახალთან კონტაქტის შემდეგ საჯარიმოში წაიქცა სტუმართა გუნდის კაპიტანი ედეგორი და ნორდები
თვლიან, რომ მსაჯს პენალტი უნდა დაენიშნა. მეორე ტაიმში, როდესაც ანგარიში 1:0 იყო, სიორლოტმა კარგი მომენტი ვერ გამოიყენა და რომ გაეტანა, ვინ იცის, როგორ დასრულდებოდა მატჩი. შეიძლება ითქვას, ესპანეთს გაუმართლა. ყოველ შემთხვევაში, ნორვეგია ასეთი ანგარიშით წაგებას არ იმსახურებდა.
vg-ის ჟურნალისტი შეხვედრის მიმოხილვაში აღნიშნავს, რომ ნორვეგია მეტოქეს არაფერში არ ჩამოუვარდებოდა და თუ საქართველოსთანაც ასევე ითამაშეს, სამ ქულას უეჭველი მოიპოვებენ.
ნორვეგიელთა მწვრთნელი სოლბაკენი ბასტიენის მსაჯობით აღშფოთებული იყო და თქვა, რომ ფრანგული ქედმაღლობით უპასუხა პროტესტზე, როდესაც თერთმეტმეტრიანი არ დანიშნა. მისი თქმით, მეორე გაშვებულ გოლამდე თანაბარი თამაში იყო და თავისი შეგირდები კარგად გაისარჯენ.
სიორლოტმა დაიჩივლა, რომ რამდენიმე მომენტიდან ერთი მაინც რომ გამოეყენებინათ, ფრეს მიაღწევდნენ, პოზიტიური განწყობის შენარჩუნება მართებთ, შესარჩევი ეტაპი ხანგრძლივია და სამშაბათს ბათუმში ქართველების დამარცხებას აპირებენ.
ედეგორმა TV2-თან არდანიშნულ პენალტზე გაამახვილა ყურადღება, ბურთის უნარიანად ფლობაზე და დაბალ რეალიზაციაზე, რაც გამოსასწორებელია.
ბათუმში ჩამოსვლის წინ ნორვეგია ესპანეთთან დამარცხდა - 32 წლის ხოსელუს საოცარი დებიუტი [VIDEO]
![კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]](/pictures/image7/c835ef8c07c3b0b161cd10098dd09965.jpeg "კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]")
![ესპანეთი - საქართველო. 1:1 პირველი ტაიმის შემდეგ [VIDEO]](/pictures/image7/feb3e42ce43c66ba5a3bb14038223f77.jpg "ესპანეთი - საქართველო. 1:1 პირველი ტაიმის შემდეგ [VIDEO]")
სიტყვებმა: "მოგებას აპირებნენ", უფრო უნდა აგვანთოს. ბათუმში საინტერესო მატჩს ელის მთელი ქვეყანა და ამჯერად ყველა დროის საუკეთესო ფორმაში მყოფი ჯვეროსნების შეჩერება ვიკინგებისთვის ურთულესი იქნება. ჩვენ ვალდებული ვართ საკუთარი თამაში ვაჩვენოთ რადაც არ უნდა დაგვიჯდეს ეს, რადგან ტოპ ჩემპიონატების ქვეყნების წარმომადგენლები გაათმაგებული ყურადღებით არიან და არც ერთ ქართველს არ აინტერესებს თუ რას რას აპირებენ ნორვეგიელები. მთავარია რას ვაპირებთ ჩვენ და ჩვენ რასაც ვაპირებთ და რაც გვინდა მოგებაა!
ნებისმიერი ნაკრების პარპაში უნდა დამთავრდეს საქართველოში!