"ჯვაროსნების" მეტოქის დიდი სენსაცია - ყაზახეთმა დანიას შემოუტრიალა და რა შემოუტრიალა!

ევროპირველობის შესარჩევი ეტაპის მეორე ტურში, H ჯგუფში ყაზახეთმა სახლში სენსაციური გამარჯვება მოიპოვა დანიასთან - 3:2.

სტუმრები პირველ ტაიმში დუბლით "ატალანტას" 20 წლის თავდამსხმელმა ჰეილუნდმა დააწინაურა, მეორე ტაიმში კი მასპინძლებმა სამი უპასუხო გოლი გაიტანეს და გაიმარჯვეს.

ყაზახეთმა, რომელიც ერთა ლიგის ნახევარფინალში საქართველოს ეროვნული გუნდის მეტოქეა, პირველ ტურში სლოვენიასთან 1:2 წაგების შემდეგ, ძლიერ მეტოქეს სძლია და 16 ივნისს გასვლაზე სან-მარინოს შეხვდება. რაც შეეხება დანიას, 1 მოგება და 1 წაგება აქვს და შემდეგ ტურში ჩრდილოეთ ირლანდიას უმასპინძლებს.

ნურ-სულთანი. "ასტანა-არენა"

ყაზახეთი - დანია 3:2

გოლები: 0:1

ჰეილუნდი (21), 0:2 ჰეილუნდი (35), 1:2 ზაინუტდინოვი (73, პენ), 2:2 ტაგიბერგენი (86), 3:2 აიმბეტოვი (89)

გაძევება: სამოროდოვი (90+6)

alt ერთა ლიგაზე "ჯვაროსნების" მეტოქემ ევროშესარჩევი ტურნირი მარცხით დაიწყო