უკრაინის ნაკრებმა პლეი-ოფის ფინალში ისლანდიის ძლევით (2:1) ევროპირველობის საგზური მოიპოვა, სადაც Е ჯგუფში ბელგიასთან, სლოვაკეთთან და რუმინეთთან იასპარეზებს. უკრაინელთა შანსები მათი გუნდის ნახევარმცველმა გეორგი სუდაკოვმა შეაფასა, რომელმაც ისლანდიელებთან ორი საგოლე გადაცემა გააკეთა:
"ემოციები უკვე მოედანზე დავტოვე. მხოლოდ დაღლილობას ვგრძნობ და ჩემი ქვეყნისა და გუნდის სიამაყეს. პოლონეთში 30 ათასი გულშემატკივარი გვიჭერდა მხარს, თითქოს სახლში ვთამაშობდით.
ეს ჩემთვის განსაკუთრებული ევრო იქნება, დაწყებას წარმოუდგენლად ველოდები და ვფიქრობ, ჯგუფიდან გასვლის ყველა შანსი გვაქვს. უკვე ვიცით, ვინ არიან ჩვენი მეტოქეები და ვემზადებით. ახლა ქვეყნის ჩემპიონატზე
გადავერთვებით, შემდეგ კი მხოლოდ ევროპის ჩემპიონატზე ვიფიქრებთ".
უკრაინა და პოლონეთი ევროპის ჩემპიონატზე გავიდნენ
![ჩეხეთმა უკრაინასთან ქულები გაიყო და გალიდერდა [VIDEO]](/pictures/image7/d15b84c55b33c007af6e5ac8a9dd5b05.jpg "ჩეხეთმა უკრაინასთან ქულები გაიყო და გალიდერდა [VIDEO]")
