შეხვედრა პირველივე წუთებიდან იულიან ნაგელსმანის გუნდის უპირატესობით წარიმართა და მე-10 წუთზე ანგარიში ფლორიან ვირცმა გახსნა, 9 წუთში ჯამალ მუსიალამ სხვაობა ორ ბურთამდე გაზარდა.
პირველი ტაიმის ბოლოს შოტლანდიელთა საჯარიმოში რაიან პორტეუსმა ილქაი გიუნდოგანი წააქცია, ეპიზოდი VAR-ზე გადამოწმდა და შოტლანდია 10 კაცით დარჩა. კაი ჰავერცმა კი თერთმეტმეტრიანი დარტყმა გამოიყენა და გოლს+ასისტი მიითვალა.
მეორე ტაიმში უპირატესობას კვლავ ნაგელსმანის გუნდი ფლობდა და თავის გამოჩენა ცვლილებაზე შემოსულმა ნიკლას ფულკრუგმა მოახერხა.
87-ე წუთზე რუდიგერმა ბურთი საკუთარ კარში ჩაჭრა, 90+3 წუთზე კი ემრე ჯანმა მატჩის საბოლოო ანგარიში დააფიქსირა.
გერმანიის ნაკრები ჯგუფური ეტაპის მომდევნო შეხვედრას 19 ივნისს, უნგრეთის ნაკრების წინააღდეგ გამართავს.
შოტლანდია 19 ივნისს, შვეიცარიას დაუპირისპირდება.
საფრანგეთი ტურნირის ფავორიტია, სლოვაკეთი სერბეთზე წინ, საქართველო ოცეულს მიღმა - ESPN-ის პროგნოზი ევროპის ჩემპიონატზე
ჩვენ შემთხვვეში, , 99% ეს გოლი არ გავიდოდა იმიტომ რომ პასს არ მისცემდა...