"ბაიერნი" სეზონის სტარტზე კრიტიკის ქარცეცხლში მოექცა და საქმე იქამდეც მიდის, უკვე კარლო ანჩელოტის გათავისუფლებას წინასწარმეტყველებენ. 2011/12 წლების კამპანიის შემდეგ "რეკორდმაისტერს" ასეთი ცუდი დასაწყისი არ ჰქონია. "ბაიერნს" პრობლემები აქვს უკანა ხაზში - ტრავმირებულები არიან დავიდ ალაბა და ხუან ბერნატი."ტოტენჰემთან" დამარცხებულ (1:3) "დორტმუნდს", რომელიც რაინვესტფალიურ დერბიში "კიოლნს" მასპინძლობს, კიდევ ერთი საკვანძო მოთამაშე გამოაკლდა - "ფრაიბურგთან" მატჩში ტრავმა მიიღო მარსელ შმელცერმა, რომელიც თვეზე მეტხანს დაისვენებს.
- თუ რობერტ ლევანდოვსკი "მაინცთან" ითამაშებს, ეს იქნება მისი მე-100 მატჩი "ბაიერნის" მაისურით (იგულისხმება ბუნდესლიგის მასშტაბით). ამასთან, ლევანდოვსკის ანგარიშზე 80 ბაიერნული გოლია, რაც პირველ 100 ბუნდესლიგურ მატჩში არც ერთ სხვა ფეხბურთელს არ ღირსებია.
- 2016 წლის მარტში "მაინცმა" "ბაიერნი" "ალიანც არენაზე" 2:1 დაამარცხა.
- "ბაიერნმა" "მაინცს" შინ ბოლოს 2015 წლის 23 მაისს მოუგო (2:0).
- ამ მომენტისთვის "მაინცი" ერთადერთი გუნდია ბუნდესლიგაში, ვინც "ბაიერთან" ბოლო ორ საგარეო მატჩში არ დამარცხებულა.
- "დორტმუნდს" ბუნდესლიგაში ბოლო 9 მატჩი არ წაუგია და უკანასკნელ 3 შეხვედრაში გოლი არ გაუშვია.
- "დორტმუნდსა" და "კიოლნს" შორის ბოლო 3 ბუნდესლიგური დაპირისპირება ფრედ დასრულდა.
- "დორტმუნდმა" "კიოლნი" შინ ბოლოს 2011 წლის ოქტომბერში დაამარცხა (5:0).
- "კიოლნს" დორტმუნდში" 1991 წლის შემდეგ არ გაუმარჯვია (2:1).
- "ვერდერს" ბოლო 6 ბუნდესლიგურ მატჩში მოგება არ აქვს.
- წინა სეზონში "ვერდერმა" "შალკეს" შინ 3:0 მოუგო, რაც 2008 წლის შემდეგ პირველად მოხდა.
- ბუნდესლიგაში დაბრუნებული "ჰანოვერი" პირველ სამ ტურში არ დამარცხებულა.
- "ჰანოვერსა" და "ჰამბურგს" შორის ბოლო 9 ბუნდესლიგურ ურთიერთდაპირისპირებაში ფრე არ დაფიქსირებულა.
- ბუნდესლიგის ეგიდით ბოლო შეხვედრაში (2016 წლის აპრილი) "ჰამბურგმა" ჰანოვერში 3:0 გაიმარჯვა.
- "აინტრახტსა" და "აუგსბურგს" შორის ბოლო 10 დაპირისპირებიდან 5 ფრედ დასრულდა.
- "შტუტგარტსა" და "ვოლფსბურგს" 2011 წლის შემდეგ ფრედ არ უთამაშიათ.
- "შტუტაგარტისა" და "ვოლფსბურგის" ბოლო 6 ურთიერთშეხვედრაში მინიმუმ 3 გოლი გადის.
- "ჰოფენჰაიმმა" "ჰერტას" ბოლო 3 ბუნდესლიგური მატჩი მოუგო.
- "ჰოფენჰაიმსა" და "ჰერტას" შორის ფრე ბოლოს 2014 წლის აპრილში დაფიქსირდა.
- "ლევერკუზენსა" და "ფრაიბურგს" შორის შარშანდელი მატჩი 1:1 დასრულდა.
- "ფრაიბურგმა" ლევერკუზენში ბოლოს 2012 წლის მარტში მოიგო (2:0).
პარასკევი, 15 სექტემბერი
ჰანოვერი-ჰამბურგი 22:30
შაბათი, 16 სექტემბერი
ბაიერნი-მაინცი 17:30
აინტრახტი-აუგსბურგი 17:30
ვერდერი-შალკე 17:30
შტუტგარტი-ვოლფსბურგი 17:30
ლაიპციგი-გლადბახი 20:30
კვირა, 17 სექტემბერი
ჰოფენჰაიმი-ჰერტა 15:30
ლევერკუზენი-ფრაიბურგი 17:30
დორტმუნდი-კიოლნი 20:00
ბომბარდირები: 4 - ალფრედ ფინბოგასონი (აუგსბურგი); 3 - მეტიუ ლეკი (ჰერტა), რობერტ ლევანდოვსკი (ბაიერნი), მარკ უტი (ჰოფენჰაიმი), ტიმო ვერნერი (ლაიპციგი), ნაბილ ბენტალები (შალკე).
ყოველდღიური სპორტული გაზეთი "ლელო"
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
![ჩემპიონთა ლიგა. II ტური: "სლოვანი" "სიტისთან" განადგურდა - "არსენალმა" პსჟ-ს, "ბაიერმა" კი "მილანს" მოუგო [VIDEO]](/pictures/image7/a0ae5a8ee8de435c45ad18e4029b420c.jpg "ჩემპიონთა ლიგა. II ტური: \"სლოვანი\" \"სიტისთან\" განადგურდა - \"არსენალმა\" პსჟ-ს, \"ბაიერმა\" კი \"მილანს\" მოუგო [VIDEO]")
![ჩემპიონთა ლიგა. I ტური: "სლოვანი" გლაზგოში განადგურდა - პსჟ-მა "ჟირონას" ძლივს მოუგო [VIDEO]](/pictures/image7/49dc2b1b39d69604ff7d2ea0e9ba49f7.jpg "ჩემპიონთა ლიგა. I ტური: \"სლოვანი\" გლაზგოში განადგურდა - პსჟ-მა \"ჟირონას\" ძლივს მოუგო [VIDEO]")
