გერმანიის ბუნდესლიგის კლუბებმა საშინელი სტარტი აიღეს ევროტურნირებზე. სამი დღის განმავლობაში, როცა ჩემპიონთა ლიგისა და ევროპის ლიგის მეორე ტურის მატჩები იმართებოდა, ექვსივე გერმანულმა კლუბმა წააგო.ჩემპიონთა ლიგაზე, სამშაბათს "დორტმუნდმა" 1:3 წააგო "რეალთან", ოთხშაბათს კი "ბაიერნი" დამარცხდა პსჟ-სთან (0:3), "ლაიპციგი" - "ბეშიქთაშთან" (0:2).
ხუთშაბათს, ევროპის ლიგაზე კიდევ სამმა გერმანულმა კლუბმა წააგო: "კიოლნი" დამარცხდა "ცრვენა ზვეზდასთან" (0:1), "ჰერტა" - "ესტერსუნდთან" (0:1), "ჰოფენჰაიმი" - "ლუდოგორეცთან" (1:2).
ეს არის პირველი შემთხვევა 1981 წლის შემდეგ, როცა ევროთასებზე ერთ სათამაშო კვირაში ყველა გერმანული კლუბი
ჩემპიონთა ლიგისა და ევროპის ლიგის პირველ ორ ტურში გერმანულმა კლუბებმა 12 მატჩი ჩაატარეს და მხოლოდ 5 ქულა (36 შესაძლებლიდან) აიღეს, ბურთების შეფარდება კი არის - 9:21.
(იბეჭდება მცირე ცვლილებით)
ყოველდღიური სპორტული გაზეთი "ლელო"
