გერმანიის ჩემპიონატის 23-ე ტურში "ბაიერნმა" სტუმრად "ვოლფსბურგი" დამარცხა 2:1.ანგარიში დებიუტში საჯარიმოდან გათამაშებული კომბინაციით დიდავიმ გახსნა, ამის შემდეგ სტუმრები უდიდეს სათამაშო და ტერიტორიულ უპირატესობას ფლობდნენ, ნაანტრაქტევს რობენმა თერთმეტმეტრიანი ვერ გამოიყენა, თუმცა შემდეგ მან 64-ე წუთზე ვაგნერს საგოლედ უპასა და 1:1.
"რეკორდმაისტერის" მწვრთნელმა იუპ ჰინკესმა 62-ე წუთზე მიულერი შეუშვა შეცვლაზე, ხოლო 79-ეზე ლევანდოვსკი და ამ უკანასკნელმა მსაჯის მიერ კომპენსირებულ დროში პენალტით გამარჯვება მოუპოვა თავის გუნდს. აღსანიშნავია, რომ თერთმეტმეტრიანი რობენმა მოინადირა.
