22 ნოემბერს, ბუნდესლიგის მე-12 ტურში "დორტმუნდისა" და "პადერბორნის" მატჩი 3:3 დასრულდა.
ლუსიენ ფავრის შეგირდებმა მოახერხეს და საკუთარ მოედანზე აუტსაიდერთან პირველი ტაიმი 0:3 წააგეს, მეორე ტაიმში კი ქულის გადარჩენა შეძლეს.
"დორტმუნდი" 20 ქულით მე-5 ადგილზეა და 30 ნოემბერს ბერლინში "ჰერტას" დაუპირისპირდება, იქამდე კი, 28 ნოემბერს ჩემპიონთა ლიგაზე სტუმრად "ბარსელონას" შეხვდება.
დორტმუნდი. "სიგნალ იდუნა პარკი". 81 365 მაყურებელი
დორტმუნდი - პადერბორნი 3:3
გოლები: 0:1 მამბა (5), 0:2 მამბა (37), 0:3 ჰოლტმანი (43), 1:3 სანჩო (47), 2:3 ვიტსელი (84), 3:3 როისი (90+2)