მიუნხენის "ბაიერნისა" და გერმანიის ნაკრების კაპიტანი მანუელ ნოიერი, რომელიც ბავარიული გრანდის მეკარეთა მწვრთნელ ტონი ტაპალოვიჩთან ერთად დასასვენებლად ხორვატიაში იმყოფება, სკანდალში გაეხვა.
სოციალურ ქსელში გავრცელდა ვიდეოკადრები, რომელშიც 34 წლის მეკარე სხვა ადამიანებთან ერთად ასრულებს ხორვატიულ სიმღერა "Lijepa li si"-ს, რომლის ავტორიც მარკო პერკოვიჩი გახლავთ და ის ულტრანაციონალური ორგანიზაცია "უსტაშისთან" ასოცირდება.
სიმღერის ტექსტში საუბარია ტერიტორიაზე, რომელსაც "ხერცეგ-ბოსნა" ჰქვია. მას, სხვა ტერმინის მიხედვით, ბოსნიის ხორვატიული რესპუბლიკა ჰქვია და ის ბოსნიის ომის დროს ჩამოყალიბდა.
აღნიშნული ვიდეოს გავრცელების შემდეგ ნოიერი კრიტიკის ქარცეცხლში მოექცა, როგორც გერმანიაში, ისე სერბეთსა და ბოსნიაში. თავად ფეხბურთელმა თავი იმით იმართლა, რომ ხორვატიული ენა არ იცის და წარმოდგენა არ ჰქონდა, სიმღერის ტექსტი რას ნიშნავდა. არადა, ვიდეოკადრებში ჩანს, რა ომახიანად ასრულებს ნოიერი სიმღერას, ტექსტიც ნასწავლი უნდა ჰქონდეს.
მომზადებულია Bild-ის მიხედვით
ნოიერმა 19 წლის ხელბურთელთან გააბა რომანი, რომელიც მის პირველ მეუღლეს ტყუპისცალივით ჰგავს 
ნოიერი: 34 წლის ვარ და 5-წლიანი კონტრაქტის მოთხოვნა უტოპიაა
![ნოიერი გულშემატკივრებს კვლავ აოცებს - სად დგას "ბაიერნის" მეკარე, როდესაც მიუნხენელები კუთხურს აწვდიან [PHOTO]](/pictures/image7/00b65f1fcf06f26e7fb7c376dbbca042.jpg "ნოიერი გულშემატკივრებს კვლავ აოცებს - სად დგას \"ბაიერნის\" მეკარე, როდესაც მიუნხენელები კუთხურს აწვდიან [PHOTO]")
