მიუნხენის "ბაიერნის" ერთერთმა ხელმძღვანელმა კარლ ჰაინც რუმენიგემ კიდევ ერთი ფრთიანი ფრაზა წარმოთქვა და რობერტ ლევანდოვსკი მითოლოგიურ ღვთაებას შეადარა.
"შესაძლოა, რობერტო ყველაზე დიდი პროფესიონალია ვინც კი ცხოვრებაში შემხვედრია. 35 წლის ასაკში ლევანდოვსკი რონალდოზე უკეთესი იქნება(იგულისხმა, რა დონისაც რონალდო 35 წლის ასაკშია).
ის ახალგაზრდებისთვის საუკეთესო მაგალითია. მისი დიეტა, ცხოვრების წესი - ყველაფერი წარმატებაზეა ორიენტირებული. როცა მის დაკუნთულ მუცელს ვხედავ, ვფიქრობ, ის ადონისივითაა (ფინიკიელთა ღვთაება, მოკვდავი და გაცოცხლებადი ბუნების სიმბოლო). უკეთესი შეუძლებელია არსებობდეს.
მიმდინარე წელში რობერტი ყველაზე მეტად იმსახურებს საუკეთესო ფეხბურთელის ჯილდოს მოპოვებას.
მან საუკეთესო ბომბარდირის ჯილდო ბუნდესლიგაში, ჩემპიონთა ლიგასა და გერმანიის თასზე მოიპოვა. საოცარი სეზონი ჩაატარა,"- განაცხადა რუმენიგემ.
მომზადებულია Bundesliga.com-ის მიხედვით
რუმენიგეს განცხადებაზე მთელი გერმანია იცინის
