გერმანიის თასის მეორე რაუნდში "ბაიერნი" გასვლაზე პენალტების სერიაში მეორე ბუნდესლიგის "ჰოლშტაინ კილთან" დამარცხდა და გათამაშებას გამოეთიშა.
ძირითად დროში სტუმრები ორჯერ გაიჭრნენ წინ და მასპინძლებმა ორივეჯერ მოახერხეს ანგარიშის გათანაბრება - ბოლოს 90+5-ე წუთზე, თერთმეტმეტრიანების სერიაში კი ქვედალიგელებმა 6:5 იმარჯვეს.
ეს უკანასკნელი 17 წლის მანძილზე პირველი შემთხვევაა, როდესაც "რეკორდმაისტერი" თასიდან მეორე ბუნდესლიგის გუნდმა გამოაგდო. მაშინ "მაგდებურგმა" მოუგო.
მეკარე მანუელ ნოიერმა "ბაიერნში" 410-ე მატჩი ჩაატარა და ლოთარ მათეუსს დაეწია. რეკორდსმენი 700 მატჩით ზეპ მაიერია. ტომას მიულერმა მიუნხენური გუნდის ღირსება 555-ჯერ დაიცვა.
კილი. "ჰოლშტაინ-შტადიონი"
ჰოლშტაინ-კილი - ბაიერნი 2:2 (პენ 6:5)
გოლები: 0:1 გნაბრი (14), 1:1 ბარტელსი (37), 1:2 სანე (47), 2:2 ვალი (90+5)
![alt](/pictures/image50/6695cb172bd4ed1ed84607cbbd262291.jpg ""ბაიერნი" თასიდან მეორე ბუნდესლიგის გუნდმა გამოაგდო")
"გლადბახის" საოცარი ქამბექი "ბაიერნთან"
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
