ავტორიტეტული იტალიელი ჟურნალისტის, ფაბრიციო რომანოს ინფორმაციით, პსვ-ის შემტევი მარიო გიოტცე კარიერას "აინტრახტში" განაგრძობს. ფრანკფურტული კლუბი 29 წლის ფეხბურთელის სანაცვლოდ 4 მილიონ ევროს გადაიხდის.
გიოტცე, სავარაუდოდ, ახალ კლუბში სამედიცინო შემოწმებას დღეს გაივლის და კონტრაქტსაც გააფორმებს.
შეგახსენებთ, რომ ის ბუნდესლიგაში "დორტმუნდისა" და "ბაიერნის" ფორმას უკვე ირგებდა.
