Goal-ის ინფორმაციით, "ბაიერნის" ამჟამინდელი თავკაცი თომას ტუხელი "ბარსელონას" ჩაბარებას არ გეგმავს. მოგეხსენებათ, "ბლაუგრანას" მიმდინარე სეზონის შემდეგ მთავარი მწვრთნელი ხავი დატოვებს და კატალონიელები ერთ-ერთ კანდიდატად სწორედ გერმანელს განიხილავენ. ტუხელს "ბლაუგრანასთვის" უარის თქმის სამი მიზეზი აქვს: მას ესპანური ენის პრობლემა აქვს; ასევე, "ბარსელონაში" არასტაბილური სიტუაციაა და თანაც, 50 წლის სპეციალისტს პრემიერლიგაში დაბრუნება სურს.
ტუხელის მიზანია, რომ ინგლისურ ფეხბურთში დაბრუნდეს და ერთ-ერთი სასურველი სამუშაო "მანჩესტერ იუნაიტედში" დასაქმებაა.
