გერმანიის ბუნდესლიგის ბინადარმა "ლაიფციგმა" გვაუწყა, რომ "ბრიუგედან" 19 წლის ნორვეგიელი შემტევი ანტონიო ნუსა შეიძინა. გარიგების საფასურმა 28 მილიონი ევრო შეადგინა, ახალგაზრდა ფეხბურთელთან კი შრომითი ხელშეკრულება 5 წლით გაფორმდა.
ანტონიომ ახალ კლუბში დანი ოლმო უნდა შეცვალოს, ვინაც თავის მხრივ რამდენიმე დღის წინ "ბარსელონას" მიაშურა.
ნუსა ქართველ გულშემატკივარს ალბათ კარგად ახსოვს. 2023 წლის სექტემბერში ის ოსლოში საქართველოს ნაკრების წინააღმდეგ გამართულ მატჩში, სადაც ნორვეგიელებმა 2:1 დაგვამარცხეს, ძირითადში იყო და 2 საგოლე გადაცემაც შეასრულა, მთელი მატჩის განმავლობაში კი ძალიან აქტიური იყო.
![რუდიგერმა "ბარსელონა" "ლეგანესის" მატჩის შედეგი შეიტყო - "რეალის" გერმანელი მცველის რეაქცია ინტერნეტს იპყრობს [VIDEO]](/pictures/image7/c401b4e543528e29217135b3b291880c.jpeg "რუდიგერმა \"ბარსელონა\" \"ლეგანესის\" მატჩის შედეგი შეიტყო - \"რეალის\" გერმანელი მცველის რეაქცია ინტერნეტს იპყრობს [VIDEO]")
