"მანჩესტერ სიტის" არაბ პატრონებს ფული უთვალავი აქვთ და კლუბის ინფრასტრუქტურაში ხარჯვას არ ერიდებიან. ახალი სეზონის დაწყების წინ "ეტიჰადის" სტადიონზე ფეხბურთელებს მთლად იდეალური პირობები შეუქმნეს. კერძოდ, გასახდელები ოვალური გააკეთეს, მოედანზე გასასვლელი გვირაბიც გადააკეთეს და ფეხბურთელებს ჰიდროაუზიც მოუწყვეს. ერთი სიტყვით, მოთამაშეებისთვის ნამდვილი სამოთხეა მოწყობილი და ბარემ შეგახსენებთ, რომ "ქალაქელები" ახალი სეზონის პირველ მატჩს თავიანთ არენაზე 21 აგვისტოს, "ევერტონთან" გამართავენ.
