„მანჩესტერ იუნაიტედმა“ ჩემპიონთა ლიგის ჯგუფური ეტაპის პირველ ტურში „ბაზელს“ 3:0 სძლია, „ლივერპული“ კი „სევილიასთან“ ფრეს დასჯერდა და აბა, ამ შესაძლებლობას მერსისაიდელებისათვის კბილის გასაკრავად „მანიუს“ ყოფილი კაპიტანი როი კინი როგორ გაუშვებდა. „ამ თამაშში „წითლების“ სისუსტეები დავინახეთ. გამოჩნდა, ეს გუნდი ვერაფერ სერიოზულს რატომ ვერ იგებს. აუტიდან ბურთის შეტანისას მისი ფეხბურთელები უბრალოდ გაითიშნენ და საპასუხო გოლი გაუშვეს.
ასეთმა შეცდომებმა ნებისმიერი მწვრთნელი ჭკუიდან უნდა გადაიყვანოს. ასე მხოლოდ სკოლის მოსწავლეები ბურთაობენ. უნდა ვაღიაროთ, რაც ძნელია, „ლივერპული“ აკეთებს: სწრაფად უტევს, მომენტებს ქმნის და მეტოქეზე ზეწოლა ახდენს.
დარწმუნებული ვარ, ამ ტურნირზე გამარჯვების არანაირი შანსი არა აქვს. ჯგუფიდან გავა, მაგრამ ფლეი-ოფში „რეალის“ დონის გუნდი აბუჩად აიგდებს“,-განაცხადა კინმა.
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
