"სანის" ცნობით, "ჩელსის" მენეჯერი ანტონიო კონტე კლუბის აღმასრულებელ დირექტორს მარინა გრანოვსკაიას არ ელაპარაკება და მასთან ურთიერთობას მეკარეთა მწვრთნელის კარლო კუდიჩინის მეშვეობით ამყარებს. მარინა 39 წლისაა, დამთავრებული აქვს მოსკოვის სახელმწიფო უნივერსიტეტი, "სიბნეფტიდან" მოყოლებული უკვე 17 წელია "არისტოკრატების" პრეზიდენტთან რომან აბრამოვიჩთან მუშაობს, მისი მარჯვენა ხელია, პუნქტუალურია, საერთოდ არ გააჩნია იუმორის გრძნობა, რუსეთისა და კანადის მოქალაქეა, 2013 წლიდან კლუბის აღმასრულებელი დირექტორია.
