"კრისტალ პალასთან" 3:2-ზე მოგებული მატჩის შემდეგ "მანჩესტერის" ყოფილმა მცველმა გარი ნევილმა და "ლივერპულის" ექს-მწვრთნელმა გრემ სუნესმა "მანიუს" მენეჯერი ჟოზე მოურინიო გააკრიტიკეს. ჰოდა, ჟოზე რის ჟოზე იქნებოდა მწარედ რომ არ ეპასუხა:"ზოგიერთმა ბიჭებმა გამაკრიტიკეს, რომლებმაც მწვრთნელებად ვერ ივარგეს. ისე საუბრობენ, თითქოს ყველა კითხვაზე აქვთ პასუხი. ეს ასე არაა.
ყველაფერზე შეუძლიათ ილაპარაკონ. ხან ვუსმენ და ხან - არა. ამ დღეებში უფრო ჩემპიონთა და ევროპა ლიგის მატჩების ცქერით დავტკბი, ჩემი გუნდის მომზადებით ვიყავი დაკავებული და მაგათთვის არ მეცალა".
