მიუხედავად იმისა, რომ ლონდონის "ჩელსიმ" ვილიანის გაყიდვაზე უარი განაცხადა და ის არც "ბარსელონასა" და არც "მანჩესტერ იუნაიტედს" არ დაუთმო, ჟოზე მოურინიოს დანებებას მაინც არ აპირებს."წითელი ეშმაკების" მთავარ მწვრთნელს ახალი გეგმა აქვს, რომლის მიხედვითაც, ბრაზილიელი "ოლდ ტრაფორდზე" გადმობარგდება, ანტონი მარსიალი კი "სტემფროდ ბრიჯზე". ამის შესახებ ინფორმაციას The Mirror ავრცელებს.
"ჩელსის" მარსიალის დამატება დიდი ხანია სურს და პორტუგაგუელი დამრიგებელიც ყოფილი გუნდის დაყოლიებას ასე გეგმავს.
თავის მხრივ კი ვილიანმაც განაცხადა, რომ "სტემფროდ ბრიჯიდან" აბარგებას არ აპირებს.
პოგბამ მოურინიოს თხოვნა არაფრად ჩააგდო - "ბარსელონაში" ინიესტას 8-ნომრიან მაისურს სთავაზობენ
The Sun: "მანჩესტერში" ჟოზე მოურინიოს ზინედინ ზიდანი შეცვლის
