"ლივერპულის" მთავარმა მწვრთნელმა გამოთქვა საკუთარი მოსაზრება, თუ რა გავლენას იქონიებს ჩემპიონობაზე მანჩესტერული დერბი.
"მანჩესტერული დერბი არ არის ის მოვლენა, რომელზე ზეგავლენის მოხდენაც ჩვენ შეგვიძია. როგორც ჩანს, ეს არც "მანჩესტერ იუნაიტედს" ძალუძს.
რა ანგარიშით წააგეს "ევერტონთან"? 0:3? 0:4? დერბი, ეს "მანჩესტერ სიტისთვის" ჩვეულებრივი მატჩია. ჩვენც ვეთამაშეთ "იუნაიტედს". მაშინ გაცილებით უკეთეს ფორმაში იყვნენ და შეხვედრა 0:0 დასრულდა. ასე რომ, ბედნიერ დღეს დერბი შეიძლებოდა ფრედ დასრულებულიყო.
თუ "იუნაიტედი" აიღებს ქულას დერბიში და ჩვენ "ჰადერსფილდს" მოვუგებთ, "ბარსელონას" შემდეგ "ნიუკასლში" იმ განწყობით გავფრინდებით, რომ საქმის
ნახევარი უკვე გაკეთებულია თუ რაღაც მსგავსი და აი, სწორედ მაშინ გვექნება საქმე ცუდად. ამიტომ, ყველაფერს ჯობს, საკუთარ საქმეებზე გავამახვილოთ ყურადღება. აქამდე ეს შესანიშნავად მუშაობდა და არაფრის შეცვლას არ ვაპირებ", - განაცხადა იურგენ კლოპმა.
შეგახსენებთ, რომ "ლივერპული" "სიტის" 2 ქულით უსწრებს, თუმცა "ქალაქელებს" ერთი მატჩით ნაკლები აქვთ ჩატარებული.
მომზადებულია Goal.com-ის მიხედვით
![alt](/pictures/image50/82593dbcd92994260f7bc85b8af247b5.jpg "იურგენ კლოპი: ჩვენ მანჩესტერულ დერბიზე გავლენას ვერ მოვახდენთ, როგორც ჩანს ვერც "მანჩესტერ იუნაიტედი"")
"ლივერპულმა" "კარდიფს" სძლია და ლიდერობა დაიბრუნა [VIDEO]![alt](/pictures/image50/8b3a5e2f4fa90a23b1a34c989625e4e2.jpg "იურგენ კლოპი: ჩვენ მანჩესტერულ დერბიზე გავლენას ვერ მოვახდენთ, როგორც ჩანს ვერც "მანჩესტერ იუნაიტედი"")
"ევერტონმა" "მანჩესტერ იუნაიტედს" შავი დღე აყარა [VIDEO]
