ლონდონის "ტოტენჰემმა" "ბეტისის" ფეხბურთელის ტრანსფერი შეათანხმა

AutoSharing Option
როგორც ბრიტანული საინფორმაციო საშუალება sky sports-ი იტყობინება, ლონდონის "ტოტენჰემმა" "ბეტისის" ნახევარმცველის, არგენტინელი ჯოვანი ლო სელსოს ტრანსფერი შეათანხმა.

გამოცემის მიხედვით, არგენტინელი ნახევარმცველი "ტოტენჰემში" 2024 წლამდე ითამაშებს და ხელფასის სახით ყოველწლიურად 4 მილიონ ევროს მიიღებს.

ლო სელსო პსჟ-ს "როსარიო ცენტრალიდან" 2016 წელს შეუერთდა, თუმცა პარიზულმა კლუბმა იმავე წელს გაანათხოვრა მშობლიურ კლუბში. ნახევარი წლის შემდეგ ლო სელსო პსჟ-ში დაბრუნდა. 2018 წელს ისევ გაანათხოვრეს, უკვე "ბეტისში" და ესპანურ კლუბს გამოსყიდვის უფლებაც ჰქონდა. "ბეტისმა" გამოისყიდა ლო სელსო და ახლა "ტოტენჰემს" მიჰყიდა.

გასულ სეზონში ჯოვანი ლო
სელსომ ლა ლიგაში 32 შეხვედრა ჩაატარა და 9 გოლი გაიტანა. 23 წლის ნახევარმცველი არგენტინის ეროვნული ნაკრების წევრია და მის შემადგენლობაში 17 შეხვედრა ჩაატარა.

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული