ლონდონის "ტოტენჰემის" კაპიტანმა და მეკარემ, უგო ლორისმა მარცხენა იდაყვზე ოპერაცია გაიკეთა, - იტყობინება "დეზების" ოფიციალური საიტი.
ლორისი მოედანს 2020 წლის იანვარში დაუბრუნდება.
ლორისის ოპერაციის ჩატარების გადაწყვეტილება კლუბის სამედიცინო შტაბმა მიიღო. ფეხბურთელის იდაყვი არასტაბილურ მდგომარეობაში იმყოფებოდა.
ლორისმა დაზიანება "ბრაიტონთან" (0:3), პრემიერლიგის მე-8 ტურის მატჩში მიიღო.
მიმდინარე სეზონში ლორისმა "ტოტენჰემის" მაისურით 9 შეხვედრა ჩაატარა, სადაც 17 გოლი გაუშვა.
