"მანჩესტერ იუნაიტედის" ბოლო რამდენიმეწლიანი პერიოდიდან გამომდინარე შეგვიძლია ვთქვათ, რომ გუნდი "ფორმაში არაა" და ძალიან კარგ ფეხბურთს აჩვენებს, შედეგებს კი - საერთოდ უკეთესს.
გუშინ, 30 ივნისს, "წითელმა ეშმაკებმა" გასვლაზე "ბრაიტონი" 3:0 დაამარცხა - დუბლი ბრუნო ფერნანდეშმა შეასრულა, 1 გოლიც ახალგაზრდა გრინვუდმა გაიტანა.
ამ გამარჯვებით "იუნაიტედმა" პრემიერლიგაში 52 ქულა მოაგროვა და მე-5 პოზიციას "ვულვზთან" ერთად იყოფს. ჩემპიონთა ლიგის ზონაში მყოფ "ჩელსისა" და "ლესტერამდე", შესაბამისად, 2 და 3 ქულა აკლია, რისი აღმოფხვრაც დარჩენილ 6 ტურში შეუძლებელი ნამდვილად არ გახლავთ, მიუხედავად იმისა, რომ "წითლებს" ორივე გუნდზე 1 თამაშით ნაკლები აქვს ჩატარებული.
აღსანიშნავია, რომ "მანჩესტერს" უკვე 15-მატჩიანი წაუგებელი სერია მოუგროვდა, რომელიც ინგლისის თასის, ევროპა ლიგისა და პრემიერლიგის შეხვედრებს მოიცავს. თან პრემიერლიგის ბოლო 8 შეხვედრაში "იუნაიტედმა" მხოლოდ 2 გოლი გაუშვა, ორივე გასვლაზე ("ევერტონთან" და "ტოტენჰემთან").
მოკლედ, ოლე გუნარ სოლსკიაერმა და ბრუნო ფერნანდეშმა გუნდს საკუთარი ხელ-ფეხი დაატყვეს და "მანჩესტერ იუნაიტედი" ისევ ძველ, მრისხანე გუნდად იქცა.
![alt](/pictures/image50/0dba6beaf4bc3e6b1338e9e0b09e315e.jpg ""მანჩესტერი" საკუთარ თავს არ ჰგავს - 15-მატჩიანი წაუგებელი სერია, ზედიზედ მეორე 3:0 და ჩემპიონთა ლიგის ზონას მიუახლოვდნენ [VIDEO]")
სოლსკიაერი: ბრუნო ფერნანდეშმა გუნდში გამარჯვებულის მენტალიტეტი მოიტანა
!["ნამდვილად "ჩელსის" ფეხბურთელია"? - მუდრიკის უცნაური რეაქცია გამარჯვების გოლზე [PHOTO]](/pictures/image7/80d6206d41ca59c4d18532043721efbf.png "\"ნამდვილად \"ჩელსის\" ფეხბურთელია\"? - მუდრიკის უცნაური რეაქცია გამარჯვების გოლზე [PHOTO]")
![7-გოლიანი თრილერი და პალმერის ჰეთ-თრიქი - "ჩელსიმ" "იუნაიტედი" ბოლო წამებზე დაამარცხა [VIDEO]](/pictures/image7/cb90bda4bcd5dd729177ff289bdf9114.jpg "7-გოლიანი თრილერი და პალმერის ჰეთ-თრიქი - \"ჩელსიმ\" \"იუნაიტედი\" ბოლო წამებზე დაამარცხა [VIDEO]")
