"ლივერპულმა" "ჩელსის" მანეს დუბლით სძლია

AutoSharing Option
პრემიერლიგის მეორე ტურში "ლივერპულმა" ლონდონში 2:0 დაამარცხა "ჩელსი".

დუბლი თავდამსხმელმა სადიო მანემ შეასრულა და ამას გარდა, მასთან უხეშობისთვის მსაჯმა 45+1-ე წუთზე პირდაპირი წითელი ბარათით "არისტოკრატების" მცველი ანდრეას კრისტენსენი გააძევა.

"ლივერპულში" ტიაგო ალკანტარას დებიუტი შედგა. მან ერთ ტაიმში 75 პასი გააკეთა და პრემიერლიგის რეკორდი დაამყარა.

"ჩელსის" ნახევარმცველმა ჟორჟინიომ 75-ე წუთზე პენალტი ვერ გამოიყენა.

"ლივერპულმა" ჩემპიონატის ბოლო 5 მატჩიდან "ჩელსის" 4 მოუგო და 1 ფრედ დაასრულა. იურგენ კლოპის გუნდმა სტარტზე ორივე შეხვედრაში გამარჯვება იზეიმა და 28 სეტემბერს "არსენალს" უმასპინძლებს.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული