გუშინ, 26 იანვარს, "საუთჰემპტონმა" "არსენალს" უმასპინძლა. მატჩი სტუმრების გამარჯვებით, 3:1 დასრულდა.
"წმინდანებისთვის" შეხვედრა შესანიშნავად დაიწყო. მატჩის მე-3 წუთზე სტუარტ არმსტრონგმა ანგარიში გახსნა, თუმცა ამ გოლიდან 5 წუთში "არსენალმა" წონასწორობა აღადგინა. საბოლოოდ, პირველი ტაიმი "მეთოფეების" გამარჯვებით, 2:1 დასრულდა.
რაც შეეხება მეორე ტაიმს, 72-ე წუთზე "არსენალის" ფრანგმა ფორვარდმა ალექსანდრ ლაკაზეტმა მატჩის საბოლოო ანგარიში დააფიქსირა.
ინგლისის პრემიერლიგაში 19 თამაშის შემდეგ "საუთჰემპტონი" 29 ქულით მე-11 ადგილზე იმყოფება.
რაც შეეხება "არსენალს", 20 მატჩის შემდეგ 30 ქულით მე-8 ადგილს იკავებს. აღსანიშნავია, რომ ევროპა ლიგის ზონას 4-ით, ხოლო ჩემპიონთა ლიგისას 5 ქულით ჩამორჩებიან.
"საუთჰემპტონი" მომდევნო მატჩს 31 იანვარს, "ასტონ ვილას" წინააღმდეგ ჩაატარებს. "არსენალი" 30 იანვარს "მანჩესტერ იუნაიტედს" უმასპინძლებს.
"საუთჰემპტონი" - "არსენალი" 1:3
"წმინდა მარიამის სტადიონი"
გოლები: 1:0 სტუარტ არმსტრონგი (3), 1:1 ნიკოლას პეპე (8), 1:2 ბუკაიო საკა (39), 1:3 ალექსანდრ ლაკაზეტი (72).
![alt](/pictures/image50/618cd5a2763347d4fff7ffec08f17643.jpg ""არსენალის" მორიგი გამარჯვება! "მეთოფეები" დაბრუნდნენ? [VIDEO]")
ძლევაი საკვირველი - "არსენალმა" 2 თვის შემდეგ პირველად იმარჯვა [VIDEO]
