ჩისკო მუნიოსის გაწვრთნილმა "უოტფორდმა" ჩემპიონშიპის 41-ე ტურში საკუთარ მოედანზე 2:0 დაამარცხა "რედინგი". დუბლი 23 წლის სენეგალელმა თავდამსხმელმა ისმაილა სარიმ შეასრულა.
ამ გამარჯვებით "უოტფორდმა" სატურნირო მდგომარეობა კიდევ უფრი განიმტკიცა, 82 ქულით მეორე ადგილზეა, უახლოეს მდევარ "ბრენტფორდს 12 ქულით უსწრებს (რომელსაც 2 მატჩით ნაკლები აქვს ჩატარებული) და 17 აპრილს სტუმრად "ლუთონს" შეხვდება.
ჩემპიონატის დასრულებამდე 5 ტურია დარჩენილი, პირდაპირ, პლეი-ოფის გარეშე პრემიერლიგაში 2 საუკეთესო გუნდი გადადის და ძნელი წარმოსადგენია, ფინიშის სწორზე "უოტფორდმა" ასეთი ფორა გაანიავოს.
თავად ტურნირის გასული თვის საუკეთესო მწვრთნელად აღიარებულმა ესპანელმა
სპეციალისტმა შეგირდები შეაქო და თქვა, რომ ჯერ მხოლოდ მომავალ მატჩზე ფიქრობენ.
![alt](/pictures/image50/cbb6ef7ddb37b0aa58f4705b5c8dc031.jpg "ჩისკოს "უოტფორდის" პრემიერლიგაში აღზევება გარდაუვალია")
თბილისის "დინამოს" ყოფილი მწვრთნელი ინგლისში საუკეთესოა!
