ბევრი გოლი და ლამაზი სანახაობა - პრემიერლიგის ლიდერები "ბოქსინგ დეიზე" [VIDEO]

AutoSharing Option
ინგლისის პრემიერლიგაში "ბოქსინგ დეი" გოლებით დახუნძლული გამოდგა. ფავორიტებმა კარგი სანახაობით გაგვანებივრეს.

ლონდონის "ჩელსი" "ასტონ ვილასთან" 28-ე წუთზე მდევრის როლში აღმოჩნდა - ჯეიმსმა გოლი საკუთარ კარში გაიტანა. თომას ტუხელის შეგირდებმა გამარჯვება მაინც მოახერხეს, რაშიც გადამწყვეტი ფატორი რომელუ ლუკაკუს მოედანზე შემოსვლა გამოდგა. ბელგიელმა 56-ე წუთზე ჰადსონ-ოდოის პასი გამოიყენა, შეხვედრის მიწურულს კი თერთმეტმეტრიანი მოიპოვა, რომელიც ჟორჟინიომ გოლად აქცია. თავის მხრივ, იტალიელმა ნახევარმცველმა მატჩში მეორე პენალტი (სეზონში რეკორდული მე-10) გაიტანა და საბოლოო ანგარიში დააფიქსირა. 


41 ქულით მე-3 ადგილზე მყოფი "ჩელსი"
29 დეკემბერს "ბრაიტონს" უმასპინძლებს, "ვილელებისთვის" კი 2021 წელი დასრულებულია.

ლონდონის მეორე კლუბმა "არსენალმა" სტუმრად "ნორვიჩს" 5 უპასუხო გოლი გაუტანა. ბუკაიო საკამ დუბლი შეასრულა და მიმდინარე სეზონში 5 გოლი და 4 შედეგიანი პასი აქვს.


მიკელ არტეტას გუნდიდან გოლები ტირნიმ, ლაკაზეტმა და სმიტ როუმაც გაიტანეს, მარტინ ოდეგორის ანგარიშზე კი 2 საგოლე პასი იყო.

19 შეხვედრის შემდეგ "არსენალს" 35 ქულა აქვს, მე-4 ადგილს იკავებს, 2022 წლის პირველ მატჩში კი "მანჩესტერ სიტის" დაუხვდება.

პეპ გვარდიოლას გუნდი "დაფრინავს". მანჩესტერელებმა "ლესტერთან" მორიგი მშვენიერი წარმოდგენა დადგეს. შეხვედრაში 9 გოლი გავიდა.

ანგარიში კევინ დე ბრუინმა ულამაზესი დარტყმით გახსნა - ბელგიელმა წარმოუდგენლად ეფექტურად იმოქმედა. პირველ ნახევარში "სიტიმ" კიდევ 3 გოლი გაიტანა - მაჰრეზმა და სტერლინგმა თერთმეტმეტრიანი დარტყმები გამოიყენეს, ერთი გოლი გიუნდოგანის ანგარიშზე იყო.


მეორე ტაიმში შეხვედრა მოულოდნელად დაიძაბა - მედისონის, ლუკმენისა და იჰეანაჩოის გოლების შემდეგ ანგარიშში სხვაობა მინიმალური გახდა, თუმცა ლაპორტმა და სტერლინგმა საბოლოო ანგარიში დააფიქსირეს - 6:3

"სიტი" 47 ქულით ლიდერია და 29 დეკემბერს "ბრენტფორდს" ესტუმრება. ამავე დღეს ბრენდან როჯერსის მეათეადგილოსანი "ლესტერი" თავის ყოფილ კლუბ "ლივერპულს" უმასპინძლებს.

altრა ფინანსური სარგებელი მოაქვს პრემიერლიგაში თამაშს

alt"სიტი" მზადაა ჰოლანის გამო 4 ფეხბურთელი გაყიდოს

altმინამინოს ბოლო წამებზე გატანილი გოლი და პენალტების სერიაში დამარცხებული "ლესტერი" [VIDEO]

მკითხველის კომენტარები / 0 /
კომენტარი ჯერ არ გაკეთებულა.

myquiz

სიახლეები პოპულარული