ინგლისის FA CUP-ის მე-3 რაუნდში "ნოტინგემმა" "არსენალი" 1:0 დაამარცხა და მე-4 ეტაპის საგზურიც მოიპოვა.
მთელი შეხვედრის განმავლობაში ლონდონელები სათამაშო უპირატესობას ფლობდნენ, თუმცა კარის ჩარჩოში ერთხელაც ვერ დაარტყეს. მასპინძელთა მხრიდან ერთადერთი გოლი ლუის გრაბანმა 83-ე წუთზე გაიტანა.
ამრიგად, "არსენალი" FA CUP-ს დაემშვიდობა, "ნოტინგემი" კი "ლესტერს" 5 თებერვალს უმასპინძლებს.
შემდეგი ეტაპის საგზური მოიპოვა "ლივერპულმაც", მერსისაიდელებმა "შრიუსბერის" უმასპინძლეს და 4:1 დაამარცხეს.
სტუმრებმა ანგარიში 27-ე წუთზე გახსნეს. თავი დანიელ უდომ გამოიჩინა. შემდეგ იურგენ კლოპის შეგირდები გააქტიურდნენ. 34-ე წუთზე კაიდე გორდონმა
წონასწორობა აღადგინა, 44-ე წუთზე კი ფაბინიომ საკუთარი გუნდი წინ გაიყვანა.
მეორე ნახევარში რობერტო ფირმინომ (78) და ფაბინიომ (90+3) თითო-თითო გოლი გაიტანეს და მატჩიც აუღელვებლად მოიგეს.
"ლივერპული" მე-4 რაუნდის შეხვედრას 5 თებერვალს, "კარდიფის" წინააღმდეგ ჩაატარებს.
