L'Equipe-ის ინფორმაციით, "ლიდსმა" "ჰოფენჰაიმიდან" 20 წლის ფორვარდის, ჟორჟინიო რუტერის ტრანსფერი შეათანხმა. პრემიერლიგის ბინადარი გუნდი ახალგაზრდა ფეხბურთელის სანაცვლოდ 40 მილიონ ევროს გადაიხდის, რაც მისთვის სარეკორდო თანხა იქნება.
საინტერესოა, რომ ზინსჰაიმელებმა რუტერი 2 წლის წინ სულ რაღაც 750 000 ევროდ შეიძინეს. ჟორჟინიომ ამის შემდეგ "ჰოფენჰაიმის" მაისური ყველა ტურნირზე 64 შეხვედრაში მოირგო, სადაც 11 გოლი გაიტანა და 8 შედეგიანი გადაცემა გააკეთა.
