ინგლისის პრემიერლიგის 21-ე ტურის ცენტრალური შეხვედრა ლონდონში, "არსენალსა" და "მანჩესტერ იუნაიტედს" შორის გაიმართა. შეხვედრა მასპინძლების გამარჯვებით, 3:2 დასრულდა.
პირველ ტაიმში მარკუს რაშფორდმა (17) და ედვარდ ნკეტიამ (24) გოლები გაცვალეს. მეორე ნახევარში, 53-ე წუთზე, ბუკაიო საკამ "მეთოფეები" დააწინაურა. 59-ე წუთზე ლისანდრო მარტინესმა წონასწორობა კიდევ ერთხელ აღადგინა, 90-ე წუთზე კი ედვარდ ნკეტიას გოლით მიკელ არტეტას შეგირდებმა მნიშვნელოვანი 3 ქულა მოიპოვეს და ჩემპიონობისკენ კიდევ ერთი ნაბიჯი გადადგეს.
ამრიგად, 19 გამართული შეხვედრის შემდეგ "არსენალი" 50 ქულით 1-ელ ადგილს იკავებს. მეორეადგილოსან "მანჩესტერ სიტის" 50 ქულა აქვს და ლონდონელებზე ერთით მეტი მატჩი აქვს გამართული. ეს გუნდები 28 იანვარს, FA თასის მეოთხედფინალში შეხვდებიან, 4 თებერვალს კი "მეთოფეები" "ევერტონს" ესტუმრება.
"იუნაიტედი" 39 ქულით მე-4 პოზიციას იკავებს. შემდეგ პრემიერლიგურ მატჩს იმავე 4 თებერვალს, "კრისტალ პალასთან" ჩაატარებენ, მანამდე კი EFL თასის ეგიდით 2-ჯერ "ნოტინგემს" (26 იანვარსა და 2 თებერვალს) და FA თასის ეგიდით 29 იანვარს "რედინგს" შეხვდებიან.
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
