პრემიერლიგის 34-ე ტურში "არსენალმა" ლონდონურ დერბიში "ჩელსის" უმასპინძლა და 3:1 დაამარცხა. აღსანიშნავია, რომ აქამდე "მეთოფეები" გამარჯვების მოპოვებას ზედიზედ 4 მატჩის განმავლობაში ვერ ახერხებდნენ.
შეხვედრა თავიდანვე "არსენალის" უპირატესობით დაიწყო. მე-18 წუთზე მარტინ ოდეგორმა ლამაზი გოლით ანგარიში გახსნა.
31-ე წუთზე ნორვეგიელმა დუბლი შეასრულა და მეტოქესთან სხვაობა გაზარდა. მეორე გატანილი გოლიდან 3 წუთში თავი გაბრიელ ჟესუსმა გამოიჩინა და არტეტას გუნდმა პირველი ტაიმი 3:0 მოიგო.
მეორე ნახევარში "არსენალი" გატანას კიდევ ცდილობდა, თუმცა საკუთარი გუნდი ტიაგო სილვამ იხსნა. 65-ე წუთზე "ჩელსის" გარემარბმა ნონი მადუეკემ "არისტოკრატების" რიგებში სადებიუტო გოლი გაიტანა და მატჩის საბოლოო ანგარიშიც დააფიქსირა.
ამრიგად, "მეთოფეები" პრემიერლიგის სატურნირო ცხრილში 78 ქულით 1-ელ ადგილს იკავებს, მეორეადგილოსან "მანჩესტერ სიტის" კი 2 ქულით უსწრებს, თუმცა "ქალაქელებს" 2 მატჩით ნაკლები აქვს ჩატარებული. "არსენალი" მორიგ შეხვედრას კვირას, 7 მაისს "ნიუკასლის" წინააღმდეგ გამართავს.
"ჩელსი" 39 ქულით მე-12 ადგილზეა. ფრენკ ლამპარდის გაწვრთნილი გუნდი შაბათს, 6 მაისს "ბორნმუთს" დაუპირისპირდება.
11:30 03-05-2023
ოდეგორის დუბლი და ლამაზი გოლები - "არსენალმა" ლონდონურ დერბიში "ჩელსი" დაამარცხა [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
უძრავი ქონება
107.00 k
150.00 k
სიახლეები
პოპულარული
