ინგლისის პრემიერ ლიგის ბინადარმა "ვესტ ჰემმა" გვაუწყა, რომ გათავისუფლებული მთავარი მწვრთნელის ხულენ ლოპეტეგის ადგილი გრემ პოტერმა დაიკავა. "ჩელსის" ყოფილ თავკაც "ჩაქუჩებმა" 2,5-წლიანი კონტრაქტი გაუფორმეს. 49 წლის სპეციალისტი ბოლოს სწორედ "არისტოკრატებში" მუშაობდა, საიდანაც 2023 წელს დაითხოვეს.
პოტერის დებიუტი ახალ გუნდში 11 იანვარს FA CUP-ის 1/32-ფინალურ შეხვედრაში გასვლაზე ბირმინგემის "ასტონ ვილასთან" შედგება.
