ჟურნალისტ გრემ ბეილის ინფორმაციით, "ჩელსის" 27 წლის თავდამსხმელი კრისტოფერ ნკუნკუ ზამთრის სატრანსფერო ფანჯარაზე კლუბის შეცვლას გეგმავს და ამის მიზეზი მისი მცირე სათამაშო დროა. ლონდონელთა დამრიგებელი ენცო მარესკა ფრანგს პრაქტიკულად არ ენდობა და შანსს მხოლოდ სათასო მატჩებსა და ევროტურნირებზე აძლევს.
ნკუნკუს "ჩელსისთან" კონტრაქტი 2029 წლამდე აკავშირებს და Transfermarkt მას დაახლოებით 50 მილიონ ევროდ აფასებს.
მიმდინარე სეზონში ნკუნკუმ ყველა ტურნირზე 24 შეხვედრაში მიიღო მონაწილეობა, სადაც 12 გოლი გაიტანა და 4 შედეგიანი გადაცემა გააკეთა.
