გადააყენეს თუ არა მიუნხენის "ბაიერნის" მწვრთნელი კარლო ანჩელოტი, მაშინვე დაიწყეს მარჩიელობა თუ რომელ გუნდს ჩაიბარებს. ზოგი კარლოს "არსენალის" მენეჯერობას წინასწარმეტყველებს, ზოგი "ვესტ ჰემისას", ზოგმა კი გამოთქვა მოსაზრება, მოსახსნელად გამზადებულ ვინჩენცო მონტელას შეცვლის "მილანშიო".ამ ამბავმა მონტელამდეც მიაღწია და აი, რა თქვა:"დიდ პატივს ვცემ ანჩელოტის, ის პირველი მწვრთნელი იყო, რომელთანაც სტაჟირება გავიარე. ძმასავით მექცეოდა. "ჩელსიში" ასისტენტადაც კი მიწვევდა.
თუ უნდა, მოვიდეს და ჩემს თანაშემწედ დაიწყოს მუშაობა. ამას რა თქმა უნდა, ხუმრობით ვამბობ, რადგან ჩვენ კარგი მეგობრები ვართ".
