იტალიის ჩემპიონატის 23-ე ტურში "ნაპოლიმ" სტუმრად "ბენევენტო" 2:0 დაამარცხა და ლიდერობა შეინარჩუნა. ამ შეხვედრაში ანგარიში 30 წლის ბელგიელმა შემტევმა ნახევარმცველმა დრის მერტენსმა გახსნა, რომელიც 76-ე წუთზე შეცვალეს.მას კოჭ-წვივის ტრავმა აქვს და სავარაუდოდ 10 დღე მოუწევს ბიულეტენზე ყოფნა. დრისმა სერია A-ს მიმდინარე გათამაშების 23 მატჩში 14 გოლი გაიტანა (4 პენალტით) და 7 საგოლე გადაცემა გააკეთა.
