სერია A-ში "იუვენტუსის" მორიგი გამარჯვების შემდეგ მისმა უახლოესმა მდევრებმაც მოიგეს თავიანთი მატჩები.
"ნაპოლიმ", რომელმაც ჩემპიონთა ლიგაზე "ლივერპულს" სძლია, შინ "სასუოლო" 2:0 დაამარცხა. ანგარიში მე-3 წუთზე უნასმა გახსნა, შემდეგ მასპინძლებმა ერთხანს შეტევები გააგრძელეს და მერე ინიციატივას სტუმრები დაეუფლნენ. მეკარე ოსპინას შვიდჯერ მოუხდა ბურთის მოგერიება. ანჩელოტის შეგირდები კი სახიფათო კონტრიერიშებით პასუხობდნენ. შეცვალზე შესულმა ინსინიემ 72-ე წუთზე გაიტანა გოლი და ამით ყველაფერი დასრულდა.
"სპალმა" დიდი წინააღმდეგობა გაუწია საკუთარ მოედანზე "ინტერს" და მაინც წააგო - 1:2. დუბლი იკარდიმ შეასრულა.
სანაკრებო პაუზის სემდეგ "ინტერი" დერბიში
იმ "მილანს" შეხვდება, რომელმაც "კიევოს" 3:1 მოუგო. ამ შეხვედრაში დუბლი იგუაინმა შეასრულა.
მოკლედ, "იუვე" "ნაპოლის" ისევ 6, ხოლო "ინტერს" 8 ქულით უსწრებს.
![alt](/pictures/image50/f5cea75dec17e23af890465cdb4cc98a.jpg ""ნაპოლი" და "ინტერი" "იუვენტუსს" მისდევენ - შეძლებიდაგვარად")
"იუვენტუსს" და რონალდოს ვერ აჩერებენ
