15 აპრილს, სერია A-ს 32-ე ტურში ლევან მჭედლიძის "ემპოლი" სტუმრად" "ატალანტას" დაუზავდა - 0:0.
ამ მატჩში მჭედლიძე სათადარიგო იყო, სტუმრები კი 21 წლის პოლონელმა მეკარემ, ბართოლომეი დრონგოვსკიმ გადაარჩინა, რომელმაც 17-ჯერ მოიგერია ბურთი. ეს 2004/05 წლების სეზონის შემდეგ იტალიის ჩემპიონატზე გოლკიპერის საუკეთესო მაჩვენებელია. დრონგოვსკი "ემპოლის" "ფიორენტინადან" იჯარით ჰყავს აყვანილი.
საერთოდ, ამ შეხვედრაში მასპინძლები უდიდეს უპირატესობას ფლობდნენ, კარისკენ 45-ჯერ დაარტყეს ბურთი (ეს ბოლო 3 სეზონის რეკორდია) და მაინც მხოლოდ ქულას დასჯერდნენ.
"ემპოლი" 29 ქულით მე-18 ადგილზეა და 20 აპრილს "სპალს" უმასპინძლებს.
![გოგლიჩიძე დაბრუნდა და ტრავმა მიიღო - "ემპოლიმ" "ლეჩესთან" გამარჯვება ხელიდან გაუშვა [VIDEO]](/pictures/image7/0963638cf025c81125232fc6d614dd1e.jpeg "გოგლიჩიძე დაბრუნდა და ტრავმა მიიღო - \"ემპოლიმ\" \"ლეჩესთან\" გამარჯვება ხელიდან გაუშვა [VIDEO]")
