"მილანის" ფრანგმა ნახევარმცველმა ტემუე ბაკაიოკომ საკუთარ "ინსტაგრამგვერდზე" გამოაქვეყნა განცხადება, რომელიც ეხებოდა მის კონფლიქტს გუნდის მთავარ მწვრთნელ ჯენარო გატუზოსთან.
კონფლიქტი "ბოლონიასთან" გამართულ მატჩში მოხდა. გუშინვე გავრცელდა კადრები, რომელშიც ჩანს, რომ ბაკაიოკო გატუზოს სიტყვიერ შეურაცხყოფას აყენებს.
"რამდენიმე კვირაა მედია განუწყვეტლივ წერს ჩემზე, თუმცა აქამდე დუმილსა და მუშაობას ვარჩევდი. მაგრამ ის, რაც "ბოლონიასთან" მატჩში მომხდარ ინციდენტზე დაიწერა, დაუყოვნებლივ რეაქციას საჭიროებს. მიუღებელია ის, რომ ისეთ ფეხბურთელად წარმომადგენენ, რომელმაც მწვრთნელის მოთხოვნა არაფრად ჩააგდო, მოედანზე გასვლაზე თქვა უარი და საკუთარ კლუბსა და პარტნიორებს პატივს არ სცემს.
როცა სკამს დავუბრუნდი, მწვრთნელი მომიბრუნდა, ისეთი სიტყვები მითხრა, რის მოსმენასაც არ ველოდი. მე მხოლოდ ის გავიმეორე, რაც გატუზომ თქვა. არაფერი ზედმეტი. ნათელი მოვფინოთ ყველაფერს: მე უარი "გახურებაზე" არ მითქვამს. ვიდეოში ყველაფერი შესანიშნავად ჩანს.
მე მხოლოდ საკუთარი პარტნიორების დახმარება მინდოდა და ამას ვაკეთებდი კლუბში ყოფნის პერიოდში. ჩემი პარტნიორების დახმარებას სეზონის ბოლომდე გავაგრძელებ. Forza Milan!" - ვკითხულობთ ფრანგი ნახევარმცველის მიერ გავრცელებულ ტექსტში.
ტემუე ბაკაიოკო "მილანს" "ჩელსიდან" ამ სეზონში იჯარის წესით შეუერთდა. მან სერია A-ში 28 შეხვედრა ჩაატარა და 1 გოლი გაიტანა.
![alt](/pictures/image50/43ce9a0c9c56b200878792274fec1dcb.jpg "ტემუე ბაკაიოკო: "გატუზოს მხოლოდ ის ვუპასუხე, რაც მან მითხრა"")
ტემუე ბაკაიოკომ ჯენარო გატუზოს შეაგინა - რას უპირებს რინო? [VIDEO]
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
