31 ოქტომბერს, სერია A-ს მე-10 ტურის დასკვნით მატჩში "მილანმა" საკუთარ მოედანზე 1:0 დაამარცხა ერთ-ერთი აუტსაიდერი "სპალი".
გოლი სუსომ გაიტანა, რომელიც სასტარტოში ჩატარებული ზედიზედ 17 მატჩის შემდეგ ძირითადში არ დააყენეს, შეცვლაზე შევიდა, ამ სეზონში პირველად დალაშქრა მეტოქის კარი და თავის გუნდს 3 ქულა მოუპოვა.
რაც "როსონერის" მწვრთნელად სტეფანო პიოლი დანიშნეს, სახლში "ლეჩეს" დაუზავდა (2:2), სტუმრად კი "რომასთან" წააგო (1:2) და ეს მისი ხელმძღვანელობით პირველი მოგება იყო.
"მილანმა" აგვისტოს შემდეგ პირველი საშინაო გამარჯვება იზეიმა.
"მილანი" 13 ქულით მე-10 ადგილზეა და 3 ნოემბერს "ლაციოს" უმასპინძლებს.
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
