დღეს, 21 ნოემბერს, "ბრეშიას" თავდამსხმელმა მარიო ბალოტელიმ ვარჯიში ნაადრევად დაასრულა, უფრო სწორად, დაასრულებინეს.
"გაძეტა დელო სპორტის" ცნობით, მწვრთნელმა ფაბიო გროსომ ბალოტელის უთხრა, რომ წესიერად არ ვარჯიშობდა და გასახდელში გაისტუმრა.
მარიო მწვრთნელს არ შეეპასუხა და დაუყოვნებლივ დატოვა კლუბის ბაზა. "ბრეშიას" პრესსამსახური შეეცადა, მიეჩქმალა მომხდარი ინციდენტი და განაცხადა, რომ მარიომ ორმხრივი თამაშისას შეცვლის შემდეგ დატოვა ბაზა.
ბალოტელი ზაფხულში თავისუფალი აგენტის სტატუსით გადავიდა "ბრეშიაში" და სერია A-ს 7 მატჩში 2 გოლი გაიტანა.
რობერტო მანჩინი: ბალოტელის იმის გამო ვერ გამოვიძახებ, რომ რასისტული შეურაცხყოფა მიაყენეს
