28 იანვარს, "მილანმა" იტალიის თასის 1/4-ფინალში, საკუთარ მოედანზე, დამატებით დროში 4:2 დაამარცხა "ტორინო".
"როსონერიმ" ბოლო 2 წელიწადში პირველად მოიგო ზედიზედ 5 მატჩი
თამაში თქვენი მოწონებული გამოვიდა - ჯერ ჯაკომო ბონავენტურამ მასპინძლები დააწინაურა, შემდეგ სტუმართა გუნდის მცველმა გლეისონ ბრემერმა დუბლი შეასრულა.
ცნობისათვის, ეს კარიერაში მისი პირველი დუბლია და საერთოდ, თავის წინა გუნდში, "ატლეტიკო მინეიროში", 51 მატჩში 2 გოლი ჰქონდა გატანილი.
თითქოს ტურინელები გამარჯვებასთან ახლოს იყვნენ, მაგრამ "როსონერის" მწვრთნელმა სტეფანო პიოლიმ 82-ე წუთზე მოედანზე ჰაკან ჩალჰანოღლუ შეუშვა და მან გადაწყვიტა მატჩის ბედი. თურქმა კომპენსირებულ დროში ანგარიში გაათანაბრა, დამატებით დროში კიდევ ერთხელ დაამწუხრა სალვატორე სირიგუ, ხოლო ბოლოს მეტოქის კარი 65-ე წუთზე შეცვლაზე შესულმა ზლატან იბრაჰიმოვიჩმაც დალაშქრა.
ასე და ამგვარად, "მილანი" ნახევარფინალში გავიდა და ფინალში გასაღწევად თვით "იუვენტუსს" შეებრძოლება - 12 თებერვალს "სან სიროზე", 4 მარტს კი - "ალიანც სტადიუმზე".
მილანი. "სან სირო"
მილანი - ტორინო 4:2 (ძირ. დრო 2:2)
გოლები: 1:0 ბონავენტურა (12), 1:1 ბრემერი (34), 1:2 ბრემერი (71), 2:2 ჩალჰანოღლუ (90+1), 3:2 ჩალჰანოღლუ (106), 4:2 იბრაჰიმოვიჩი (108)
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
ჩალხანოღლი კი!
ევროპელებზე კარგად მაინც ვიცნობთ ამ თურქებს და რაც, მართლა, ვიცით, ის, მაინც, გამოვიყენოთ, არ სჯობია?