ტურინის "იუვენტუსის" თავდამსხმელმა კრიშტიანო რონალდომ სეზონის დასრულების შემდეგ, შესაძლოა, გუნდი დატოვოს. პირველად ამის შესახებ ინფორმაცია იტალიელმა ჟურნალისტმა პიეტრო ბალცანომ გაავრცელა. დღეს კი, 10 ივნისს, ბალცანომ დაადასტურა, რომ რონალდოს მიერ კლუბის დატოვება კვლავ მოსალოდნელია.
"ვადასტურებ ადრე ნათქვამს, სეზონის ბოლოს რონალდოსა და "იუვენტუსის" გზები გაიყრება. მინდა აღვნიშნო, რომ ჯერჯერობით ეს ყველაფერი ჭორია, თუმცა მე ამ საკითხზე ვმუშაობ." - დაწერა ბალცანომ.
რონალდო ტურინის "იუვენტუსში" 2018 წლის ზაფხულში, მადრიდის "რეალიდან" გადავიდა. იტალიურ გრანდს ტრანსფერი 117 მილიონი ევრო დაუჯდა. ფეხბურთელსა და კლუბს შრომითი ხელშეკრულება 2022
წლამდე აკავშირებთ.
იტალიის ჩემპიონატში კრიშტიანომ 22 შეხვედრაში 21 გოლი და 3 საგოლე გადაცემა მოუტანა გუნდს.
![alt](/pictures/image50/d2ce88099f7e72b41c2a3db2a5616fde.jpg ""ვადასტურებ, რონალდოს და "იუვენტუსის" გზები სეზონის ბოლოს შეიძლება გაიყაროს" - იტალიელი ჟურნალისტი")
მბაპე ყველაზე ძვირად ღირებული ფეხბურთელია, მესი - 21-ე, რონალდო - 70-ე
![დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]](/pictures/image7/b2cfc17d1326622d84ca254c293266ad.jpg "დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]")
