სერია A-ს 31-ე ტურში "მილანმა" საკუთარ მოედანზე "იუვენტუსს" 4:2 სძლია, თანაც 62-ე წუთამდე 0:2-ს აგებდა!
ამით იტალიის ჩემპიონატზე "იუვეს" მოგებათა 7-მატჩიანი სერია შეწყდა.
"როსონერიმ" "ბიანკონერის" ჩემპიონატზე 31 წლის შემდეგ პირველად გაუტანა 4 გოლი.
"ბებერმა ქალბატონმა" სერია A-ში 2013 წლის ოქტომბრის შემდეგ პირველად გაუშვა 4 გოლი.
რონალდომ, 2007/08 წლების სეზონიდან მოყოლებული, მეათედ გაიტანა 25+ გოლი - ეს ტოპ-5-ის ჩემპიონატებში "ბარსელონას" თავდამსხმელ ლეო მესისთან ერთად საუკეთესო შედეგია. კრიშტიანოს ჩემპიონატის ზედიზედ მე-17 შეხვედრაში ან გოლი გააქვს და ან საგოლე გადაცემას აკეთებს.
"იუვეს" 25 წლის ნახევარმცველმა ადრიენ რაბიომ 2018 წლის ოქტომბრის შემდეგ პირველად გაიტანა გოლი და თან რა გოლი!
ლიდერი "იუვენტუსი" მეორეადგილოსან "ლაციოს" 7 ქულით უსწრებს და 11 ივლისს "ატალანტას" უმასპინძლებს.
მილანი - იუვენტუსი 4:2
გოლები: 0:1 რაბიო (47), 0:2 რონალდო (53), 1:2 იბრაჰიმოვიჩი (62, პენ), 2:2 კესიე (66), 2:3 ლეაუ (67), 2:4 რებიჩი (80)
![alt](/pictures/image50/b06e21a830eeb9265184d4fc3d1f5a82.jpg "საოცრება "სან სიროზე" - "მილანმა" "იუვეს" 4 გოლი გაუტანა და დაამარცხა [VIDEO]")
იბრაჰიმოვიჩი: "მილანში" პრეზიდენტიც ვარ, ფეხბურთელიც და მწვრთნელიც![alt](/pictures/image50/026c688f3b074552e2ff7f6d22d7100f.jpeg "საოცრება "სან სიროზე" - "მილანმა" "იუვეს" 4 გოლი გაუტანა და დაამარცხა")
"ლაციომ" "ლეჩესთანაც" წააგო და საჩემპიონო რბოლას საბოლოოდ გამოეთიშა
