მიუხედავად 3 აგვისტოს "იუვენტუსის" სპორტული დირექტორის ფაბიო პარატიჩის განცხადებისა, რომ ჩემპიონთა ლიგაზე "ლიონთან" დამარცხების შემთხვევაში, გუნდის მწვრთნელ მაურიციო სარის არ გადააყენებდნენ, 61 წლის სპეციალისტს კარისაკენ მიუთითეს.
ოღონდ, დამშვიდობებისას მადლობა გადაუხადეს
სარიმ "იუვე" გასული წლის ზაფხულში ჩაიბარა, კონტრაქტი 2022 წლის 30 ივნისამდე აქვს გაფორმებული და ტურინულ კლუბს მისთვის კომპენსაციის გადახდა მოუწევს.
ჟურნალისტ ჯანლუკა დი მარციოს მტკიცებით, არაა გამორიცხული, სარის პარატიჩიც ზედ მიაყოლონ.
გუშინ "იუვენტუსმა" ტურნირის განმეორებით 1/8-ფინალურ მატჩში საკუთარ მოედანზე "ლიონი" 2:1 კი დაამარცხა, მაგრამ სტუმრად გატანილი მეტი გოლის წესით შემდეგ
ეტაპზე ფრანგული გუნდი გავიდა.
იტალიური მედიის ცნობით, სარი შეიძლება დროებით უმუშევარმა მაურისიო პოჩეტინიომ შეცვალოს. აგრეთვე სახელდება ანდრეა პირლოს კანდიდატურა, რომელიც ახლახან ჩაუდგა "იუვენტუსის" ახალგაზრდულ გუნდს სათავეში.
![alt](/pictures/image50/03b1c2b58b97b6e1106532b47527e854.jpg "არ მოვხსნითო და მაინც მოხსნეს - სარი "იუვენტუსიდან" დაითხოვეს")
"ლიონთან" დამარცხების შემთხვევაში სარის არ მოხსნიან![alt](/pictures/image50/4b3be558a0da83cd032075da1f352d72.jpg "არ მოვხსნითო და მაინც მოხსნეს - სარი "იუვენტუსიდან" დაითხოვეს")
"იუვენტუსი" დაწყევლილი გუნდია" - სარიმ წაგებას ახსნა მოუძებნა
