სერია A-ს მე-7 ტურში ტურინის "იუვენტუსი" კრიშტიანო რონალდოს მიერ გატანილი გოლის წყალობით გასვლაზე რომის "ლაციოს" 1:0-ს 95-ე წუთამდე უგებდა, თუმცა მატჩის ბოლო ფელიპე კაისედომ რომელებს ქულა გადაურჩინა - 1:1.
პორტუგალიელმა გოლი პირველ ტაიმში, მე-15 წუთზე კუადრადოს ჩაწოდების შემდეგ გაიტანა.
კრიშტიანო 76-ე წუთზე პაოლო დიბალამ შეცვალა. კაისედო კი მოედანზე 54-ე წუთზე გამოჩნდა და 95-ზე კორეას პასი გამოიყენა.
კორონავირუსის დამარცხების შემდეგ რონალდომ სერია A-ში მეორე შეხვედრა ჩაატარა და მესამე გოლი შეაგდო.
იტალიის ჩემპიონატში ჯამში 6 გოლი აქვს გატანილი და ბომბარდირთა დავაში ზლატან იბრაჰიმოვიჩს 1 შედეგიანი დარტყმით ჩამორჩება.
ამ მატჩის შემდეგ კი "იუვენტუსმა" 13 ქულა დააგროვა, ცხრილში კი მესამე პოზიციაზე დამკვიდრდა. "ლაციოს" კი კიდევ 4 გუნდის მსგავსად 11 ქულა აქვს.
![alt](/pictures/image50/f1c3ebdd365638f838c7b3c9a8d4f22b.png ""იუვენტუსმა" "ლაციოსთან" მოგება ხელიდან 95-ე წუთზე გაუშვა [VIDEO]")
"იუვეს" ყოფილი მცველი: რონალდო გუნდელებსა და იტალიელებს პატივს არ სცემს
![დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]](/pictures/image7/b2cfc17d1326622d84ca254c293266ad.jpg "დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]")
