ფანტასტიკა სამუდამოდ დარჩება ბიანკონერის ფოლკლორში - ალესანდრო დელ პიერო

AutoSharing Option
"იუვენტუსი" სავსეა ლეგენდებით, მოთამაშეები მოდიოდნენ და მიდიონდნენ ან მთელი კარიერის განმავლობაში "ბებერი ქალბატონის" რიგებში რჩებოდნენ. როგორც აღვნიშნე, "იუვეს" დიდების დარბაზი გავსებულია ლეგენდებით, რომლებსაც მათი ფორმა მოურგია. 

ამდენი გამორჩეული მოთამაშიდან თითქოს ძნელი უნდა იყოს ამოირჩიო ერთი და მიანიჭო ტიტული, როგორიცაა: "იუვენტუსის სახე", მაგრამ ეს ასე არ არის. ლეგენდებს შორის ერთი მოთამაშე იკვეთება, რომელსაც ტურინელები "იუვენტუსის ბატონის" სახელით იცნობენ, რა თქმა უნდა, ალესანდრო დელ პიეროზეა საუბარი. 

ჯიჯი ბუფონი თითქმის მთელი კარიერის განმავლობაში "შავ-თეთრების" კ
არს იცავდა, მაგრამ დელ პიეროს სახელი გადაწონის მას. 

გემოვნებაზე არ დაობენო ნათქვამია, ზოგისთვის ჯანლუიჯია ყველაზე დიდი, ზოგისთვისაც მიშელ პლატინი და ასე შემდეგ, მაგრამ ალესანდრო სრულიად გამორჩეულია მათგან. 

Sportall.Ge

19 სეზონი "ბიანკონერის" რიგებში და არც ერთი მატჩი ლამაზი მომენტის გარეშე. გასაოცარია მოგონებები, რომლებიც დელ პიეროსგან დარჩა.

პირველი პროფესიული კონტრაქტი 1991 წელს, "პადოვასთან" გააფორმა, სულ რაღაც 2 სეზონის შემდეგ კი ტურინში გადაბარგდა, საიდანაც  იტალიელი სიმაღლეების დაპყრობას იწყებს.

დებიუტიდან ყველაფერი შეიცვალა და გულშემატკივარმა გამოარჩია მოთამაშე, რომელიც დიდების დარბაზში ადგილს ნამდვილად დაიმკვიდრებდა. 

მისი თამაშიდან ყველა ხედავდა, თუ რაოდენ უყვარდა მას ეს თამაში. ის ფაქტობრივად შეპყრობილი იყო ამით და სწორედ ეს ეხმარებოდა მას საუკეთესოობაში.

გულშემატკივრები ღიად გამოთქვავმდნენ აზრს, რომ ახალი ფორვარდი შეძლებდა და გაიტანდა ათეულობით გოლს!

Sportall.Ge


ყველაფერი მეორე წელს დაიწყო, როდესაც სერია A-ში 8 გოლის გატანა მოახერხა და ბაჯოსთან, ვიალისთან და რავანელისთან ერთად შეძლო და მოიგო სკუდეტო (იტალიის ჩემპიონატი). 

მიუხედავად დასაწყისში დამხმარე როლისა, დელპო თავს შესანიშნავად ართმევდა. საჯარიმო დარტყმებს ბრწყინვალედ ასრულებდა და რაც მთავარია, ვითარდებოდა. 

1995/1996 წლებში, რობერტო ბაჯომ ტურინი დატოვა და 10 ნომრიანი მაისურიც განთავისუფლდა. ეჭვი არავის შეჰპარვია თუ ვინ უნდა გამხდარიყო ახალი 10-იანი, რა თქმა უნდა, ალესანდრო... და ამ სეზონში "ბებერმა ქალბატონმა" შეძლო და ლიგის თასი "აწია".

Sportall.Ge

19 სეზონი - 705 მატჩი და 290 გოლი

ის "შავ-თეთრების" შემადგენლობაში მაშინაც დარჩა, როდესაც გუნდს გაუჭირდა... მაგალითად, სერია B-ში გადაყვა კლუბს, მიუხედავად იმისა, რომ შეეძლო გადასულიყო სხვა ნებისმიერ დიდ გუნდში, მაგრამ არა, ლეგენდები ტურინს ზურგს არასდროს აქცევდნენ. 

მან გული და სული "ბებერო ქალბატონისთვის" ჩადო, უამრავი გოლი გაიტანა, გულშემატკივებს დაუვიწყარი ემოციები აჩუქა და საკუთარი სახელი "ბიანკონერის" ისტორიაში უკვდავყო.