სერია A-ს მე-17 ტურში "იუვენტუსმა" ტურინში 3:1 დაამარცხა "სასუოლო".
მატჩის პირველი ტაიმი უგოლოდ დასრულდა. შესვენებამდე ტრავმები მიიღეს მასპინძელთა გუნდის ფეხბურთელებმა უესტონ მაკენიმ და პაულო დიბალამ და შეცვალეს. 45+1-ე წუთზე ფედერიკო კიეზასთან უხეშობისათვის მსაჯმა პირდაპირი წითელი ბარათით გააძევა "სასუოლოს" ნახევარმცველი პედრო ობიანგი.
50-ე წუთზე "იუვე" დანილომ დააწინაურა. სტუმრები არ დანებდნენ და 58-ე წუთზე გრეგორე დეფრელმა ანგარიში გაათანაბრა ("იუვემ" ჩემპიონატზე ზედიზედ მეხუთე საშინაო მატჩში გაუშვა გოლი). თუმცა შეხვედრის დასასრულს ანდრეა პირლოს შეგირდებმა მოახერხეს რიცხობრივ უმცირესობაში მყოფი მეტოქის გატეხვა: შეცვლაზე შესულმა აარონ რამზიმ
82-ე წუთზე დალაშქრა ანდრეა კონსილის კარი, ხოლო 90+2-ე წუთზე რონალდომ საბოლოო ანგარიში დააფიქსირა.
"იუვენტუსმა" მიჯრით მესამე გამარჯვება იზეიმა, 33 ქულით მე-4 ადგილზეა და 17 იანვარს მილანში "ინტერს" დაუპირისპირდება.
და კიდევ: რონალდომ კარიერაში 759-ე გოლი გაიტანა და ჩეხი იოზეფ ბიცანის მსოფლიოს რეკორდი გაიმეორა, რომელსაც, ალბათ, მალე დაამხობს კიდეც. ამას გარდა, კრიშტიანოს ზედიზედ 15 სეზონში 15+ გოლი გააქვს და ეს ევროპის ტოპ-5 ლიგის რეკორდია.
![alt](/pictures/image50/f1998b1881850d7bb5bf33ac1e3e84ab.jpg ""იუვენტუსმა" კაცნაკლული "სასუოლო" ბოლოსკენ გატეხა - რონალდო გოლებში მსოფლიოს თანარეკორდსმენია!")
"მილანის" პირველი მარცხი - თანაც "იუვენტუსთან" [VIDEO] 
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
