სერია A-ს პირველ ტურში "რომამ" "ფიორენტინა" 3:1 დაამარცხა. რომაული კლუბის მთავარი მწვრთნელისთვის, ჟოზე მოურინიოსთვის, იტალიის უმაღლეს ჩემპიონატში ეს მოგება 50-ე გახლდათ, რითაც უნიკალური შედეგი დააფიქსირა.
1994/95 წლების შემდეგ (იმ პერიოდიდან მოყოლებული, რაც მატჩის მოგებაზე 3 ქულა იწერება), პორტუგალიელმა ყველაზე სწრაფად შეძლო 50 თამაშის მოგება. "განსაკუთრებულს" ამისთვის 77 შეხვედრა დასჭირდა. შეგახსენებთ, მოურინიო 2008-10 წლებში მილანის "ინტერში" მოღვაწეობდა.
ჟოზემ ასევე შეძლო და პრემიერლიგასა და ლა ლიგაში ყველაზე სწრაფად იზეიმა 50 გამარჯვება. ინგლისში სპეციალისტს ამისთვის 63 შეხვედრა დასჭირდა, ესპანეთში კი - 62.
"რომა"
სერია A-ში მომდევნო თამაშს 29 აგვისტოს "სალერნიტანას" წინააღმდეგ გამართავს, ამ მატჩამდე კი 26 აგვისტოს, კონფერენს ლიგის საკვალიფიკაციო ეტაპის განმეორებით შეხვედრაში "ტრაბზონსპორს" უმასპინძლებს. შეგახსენებთ, იტალიურმა კლუბმა თურქეთში 2:1 იმარჯვა.
![alt](/pictures/image50/b73eb70523723b3784b44da02f888039.jpeg ""განსაკუთრებული" ყველგან ბრწყინავს! ჟოზეს ფანტასტიკური სტატსტიკა")
მოურინიომ "რომადან" ერთბაშად 8 ფეხბურთელი გაუშვა
